Umuna, naimbag nga isasangpet iti daytoy a blogko a naidedikar para iti pagsasaomi iti nakadakkelan nga ilik iti Pangasinan: Ilokano. Pudno a narigat nga agsubok nga agaramid iti kastoy a blog, ngem sapay koma ta daytoy nga attempt ket agbalinton a buguayan ti ideya ken inspirasyon ko bayat ti panagadalko ken ti makuna a discernment processko.
Nabayag la unay daytoy tarigagay ko nga agaramid ti kastoy a blog tapno maaccustom ak nga agusar ti Ilokano iti panagsurat ken iti panagblog. Ket gapu ta inkabil ko laeng ti addressna daytoy nga blog iti discernment blog ko (Meditations of a Discerning Soul), dakkel met ti tsansa nga dagiti makabasa iti daytoy nga blogko ket ammoda metten ti mapaspasamak iti daytoy a biagko: agpampanunotak nga sumrek iti biag ti kinapadi.
Gapu ta daytoy ti umuna nga post ko, makaexpectar kayo met nga makakita kayonto ti bar-baro pay a maisurat iti daytoy a biag, ket inayon ko pay dagiti maikabil a widgets iti daytoy nga blog, kas met dagiti links.
Iti sumarunonto!
{}{}{}{}{}{}{}{}
Nasantoan nga Ina ti Manaoag, ikaasinakami. Amen.
3 comments:
Ikarkararagandaka kabsat tapno idalannaka koma iti Apo iti pangaw-awaganna kenka. Iti nadlawko, nairanudmon sa metten daytoy a tarigagaymo iti kameng ti maysa a Congregasyon. Mabalin mo met nga ibingay daytoy ti kura parokom (parish priest), wenno ti Vocation Director ti Dioceseyo.
Agyamanak iti panagbisitayo ditoy, apo padi! Kapudnoan dayta, adda ka-contactkon nga Vocation Director iti maysa a Congregasyon ket inakseptarandakon iti Vocation Discernment Programda. Saan met nga postulancy wenno pre-novitiate adiay, ngem maysa nga prosesoda tapno maamuan dagiti "discerners" ti Orden nga kunkunsideraenda ket ti biag ti maysa a padi wenno relihiyoso.
Itatta ket estudyanteak pay laeng, isu nga diak pay kabaelan nga umuneg a dagus.
No mabasayo iti blogko iti Ingles makitayonto dagiti karigatan nga nasanguananko idi napalabas nga bulan, ket gapu iti grasya ti Diyos ket naparmeken met dagiti dadduma nga problema. Ituloyyo koma apo ti panagkararag para kaniak ken kadagiti padak met nga agkonkonsidera iti daytoy a biag a kinapadi wenno kinarelihiyoso. Salamat apo
naragsak ken nabunga a panagblog iti ilokano, jimjim! dumanon!
Post a Comment